​कणकवलीचे नगराध्यक्ष संदेश पारकर 

जनता आणि कार्यकर्त्यांच प्रेम हीच ऊर्जा

जनसेवेच्या व्रताचा “पुनरुच्चार”

​कणकवली:

 

कणकवलीचे लोकप्रिय नगराध्यक्ष संदेश पारकर यांच्या वाढदिवसानिमित्त मंगळवारी जिल्हाभरातून आलेल्या कार्यकर्त्यांनी, स्नेहीजनांनी आणि संदेशप्रेमींनी शुभेच्छांचा वर्षाव केला. या निमित्ताने कणकवलीत जनसागर उसळला होता.
​सकाळपासूनच पारकर यांच्या कणकवली बाजारपेठ येथील निवासस्थानी आणि नगरपंचायत कणकवली ,त्यानंतर कणकवली महाविद्यालयाच्या एचपीसीएल (HPCL) सभागृहात शुभेच्छा देण्यासाठी हितचिंतकांची मोठी गर्दी उसळली होती. सकाळी याच सभागृहात रक्तदान शिबिराचेही आयोजन करण्यात आले होते, ज्याला नागरिकांचा मोठा प्रतिसाद मिळाला.

​जनसेवेचे व्रत माझे ध्येय

​कार्यकर्त्यांशी संवाद साधताना संदेश पारकर म्हणाले, “जनता आणि कार्यकर्त्यांचे अफाट प्रेम हीच माझ्या कामाची खरी ताकद आहे. जनतेच्या आग्रहामुळे आणि विश्वासामुळेच मी पुन्हा एकदा कणकवलीच्या नगराध्यक्षपदाची धुरा सांभाळत आहे. मी आमदार किंवा खासदार व्हावे, अशी कार्यकर्त्यांची आणि जनतेची इच्छा असली, तरी माझ्यासाठी जनसेवा महत्त्वाची आहे. हे समाजसेवेचे व्रत मी अविरतपणे चालू ठेवीन”.
​एचपीसीएल सभागृहात आयोजित कार्यक्रमात पारकर यांनी वाढदिवसानिमित्त केक कापला. यावेळी उपस्थित जनसमुदायाने ‘पारकर साहेब तुम आगे बढो’ अशा घोषणांनी परिसर दणाणून सोडला होता.

​मान्यवरांची उपस्थिती

​या सोहळ्याला राजकीय आणि सामाजिक क्षेत्रातील अनेक दिग्गज उपस्थित होते. यामध्ये माजी आमदार विजय सावंत, प्रा. दिवाकर मुरकर, निवृत्त शिक्षक डी. पी. तानावडे, उबाठा शिवसेना महिला आघाडीप्रमुख सौ. नीलम सावंत-पालव, कणकवलीचे उपनगराध्यक्ष सुशांत नाईक, नगरसेवक रुपेश नार्वेकर, संकेत नाईक, जयेश धुमाळे, दीपिका जाधव, जाई मुरकर, सुमेधा अंधारी, लुकेश कांबळे, माजी नगरसेवक उमेश वाळके, विलास कोरगांवकर, भाई परब, कसाल शिक्षण संस्थेचे अध्यक्ष अवधूत मालणकर, शीतल मांजरेकर आणि राजन पारकर यांच्यासह विविध क्षेत्रातील पदाधिकारी, कार्यकर्ते व नागरिक मोठ्या संख्येने उपस्थित होते.