राजा दळवी
सिंधुदुर्ग जिल्हा परिषदे
माजी सभापती,
शिवसेना नेते
एस.टी.सावंत
निधन;
राजकीय-सामाजिक क्षेत्र
शोककळा
कणकवली / सिंधुदुर्ग :
सिंधुदुर्ग जिल्हा परिषदेचे माजी शिक्षण, आरोग्य व बांधकाम सभापती, शिवसेनेचे उपजिल्हाप्रमुख, एसटी कामगार सेनेचे जिल्हाध्यक्ष तसेच मराठा समाजाचे ज्येष्ठ नेते शशिकांत तुकाराम सावंत उर्फ एस. टी. सावंत (वय ८०) यांचे आज रविवार, ४ ऑक्टोबर रोजी पहाटे वृद्धापकाळाने दुःखद निधन झाले. त्यांच्या निधनामुळे सिंधुदुर्ग जिल्ह्यात, विशेषतः कणकवली आणि फोंडाघाट परिसरात सर्वत्र शोककळा पसरली आहे.
संघटनात्मक व राजकीय कार्य
एस. टी. सावंत हे जिल्हाभरात ‘एस. टी. काका’ या नावाने परिचित होते. ते मूळ फोंडाघाट येथील असले तरी, गेली कित्येक वर्षे ते कणकवली तालुक्यातील जाणवली येथे स्थायिक झाले होते. आपल्या राजकीय कारकिर्दीत त्यांनी दोन वेळा जिल्हा परिषद सदस्य म्हणून अत्यंत प्रभावीपणे काम पाहिले. जिल्हा परिषदेमध्ये शिक्षण, आरोग्य व बांधकाम सभापती पदाची धुरा सांभाळत त्यांनी अनेक विकासात्मक कामे मार्गी लावली.
शिवसेनेच्या अत्यंत कठीण काळात त्यांनी पक्षासाठी खंबीरपणे उभे राहत आपले भरीव योगदान दिले होते. शिवसेनेचे उपजिल्हाप्रमुख आणि एसटी कामगार सेनेचे जिल्हाध्यक्ष म्हणून त्यांनी संघटनात्मक पातळीवर मोठे कार्य केले. मराठा समाजाच्या विविध संघटनांच्या पदांवर कार्यरत राहून त्यांनी समाजकारणात नेहमीच सक्रिय सहभाग घेतला. त्यांच्या मनमिळाऊ आणि मिळमिळीत स्वभावामुळे त्यांचा मित्रपरिवार आणि जनसंपर्क अतिशय व्यापक होता.
अंतिम दर्शन व अंत्यसंस्कार
स्वर्गीय शशिकांत (एस.टी.) सावंत यांची अंतयात्रा आज दुपारी तीन वाजल्यानंतर त्यांच्या जाणवली येथील राहत्या घरातून निघणार आहे. त्यानंतर जाणवली येथील स्मशानभूमीत त्यांच्यावर अंत्यसंस्कार करण्यात येणार आहेत.
त्यांच्या पश्चात पत्नी, तीन मुलगे, दोन सुना आणि नातवंडे असा मोठा परिवार आहे. त्यांच्या जाण्याने सिंधुदुर्ग जिल्ह्याने एक अभ्यासू, जनसामान्यांच्या प्रश्नांची जाण असणारा आणि आक्रमक वक्ता गमावला आहे. ‘कोकण राज लाईव्ह’ परिवारातर्फे दिवंगत शशिकांत (एस.टी.) सावंत यांना भावपूर्ण श्रद्धांजली!
