राजा दळवी
कणकवली बाजारपेठ नवरात्रोत्सव:
आमदार प्रमोद जठार कणकवली बाजारपेठेच्या
आई भवानीचे दर्शन
- देवीची विधिवत पूजा-अर्चा; कणकवलीचे नगराध्यक्ष संदेश पारकर यांच्या हस्ते आमदार जठार यांचा विशेष सन्मान
कणकवली:
नवरात्रोत्सवानिमित्त कणकवली शहरात सर्वत्र भक्तिमय आणि उत्साही वातावरण निर्माण झाले आहे. कणकवली बाजारपेठ मित्रमंडळाच्या वतीने प्रतिष्ठापना करण्यात आलेल्या आई भवानीच्या दर्शनासाठी राजकीय, सामाजिक व शैक्षणिक क्षेत्रातील मान्यवरांसह भाविकांची अलोट गर्दी होत आहे. याच पार्श्वभूमीवर माजी आमदार प्रमोद जठार यांनी सहकुटुंब कणकवली बाजारपेठेच्या आई भवानीचे दर्शन घेऊन देवीची विधिवत पूजा-अर्चा केली.
यावेळी आमदार प्रमोद जठार यांच्या समवेत त्यांच्या पत्नी गिरिजाताई जठार उपस्थित होत्या. त्यांनी आई भवानीच्या चरणी नतमस्तक होत परिसर सुजलाम-सुफलाम व्हावा आणि सर्वांना उदंड आयुष्य व आरोग्य लाभावे, अशी प्रार्थना केली. नवरात्रोत्सवाच्या निमित्ताने सुरू असलेल्या विविध धार्मिक उपक्रमांमुळे कणकवली बाजारपेठ परिसरात मोठा उत्साह पाहायला मिळत आहे.
मान्यवरांची प्रमुख उपस्थिती
या धार्मिक प्रसंगी कणकवलीचे नगराध्यक्ष संदेश पारकर, भैरी भवानी प्रतिष्ठानचे अध्यक्ष अतुल रावराणे, कन्हैया पारकर, प्रसाद अंधारी, नगरसेवक लुकेश कांबळे, वैभव मालंडकर, नीलम पालव, सौरभ पारकर, समृद्धी पारकर, अमेय पारकर, अमित मयेकर, तेजस नार्वेकर सर्वेश शिरसाट, कौशिक पारकर, तेज पारकर, ऋषी वाळके, नंदू वाळके, बाबू बांदिवडेकर बाबू केनी,आदी मान्यवर व नागरिक मोठ्या संख्येने उपस्थित होते.
नगराध्यक्ष संदेश पारकर यांच्या हस्ते सत्कार
आई भवानीच्या दर्शनानंतर कणकवली बाजारपेठ मित्रमंडळाच्या वतीने आमदार प्रमोद जठार यांचा यथोचित सन्मान करण्यात आला. कणकवलीचे नगराध्यक्ष संदेश पारकर यांच्या हस्ते शाल, श्रीफळ आणि पुष्पगुच्छ देऊन जठार यांचा विशेष सत्कार करण्यात आला.
कणकवली बाजारपेठ मित्रमंडळाच्या वतीने दरवर्षी नवरात्रोत्सवात आयोजित केल्या जाणाऱ्या धार्मिक आणि सांस्कृतिक उपक्रमांमुळे उत्सवाची रंगत अधिकच वाढली आहे. भक्ती, श्रद्धा आणि आत्मीयतेच्या वातावरणात कणकवलीतील नवरात्रोत्सव यंदाही मोठ्या उत्साहात साजरा होत आहे.
