राजा दळवी
कणकवलीत
खासदार नारायण राणे
आमदार प्रमोद जठार
भव्य महाआरती!
भाजपच्या नवरात्रोत्सवात दोन्ही दिग्गज नेत्यांची असणार विशेष उपस्थिती; रात्री ८ वाजता होणार महाआरती
कणकवली (प्रतिनिधी) :
नवरात्रोत्सवानिमित्त कणकवली तालुका भारतीय जनता पार्टीच्या वतीने आयोजित करण्यात आलेल्या नवरात्रोत्सवात आज, १३ ऑक्टोबर रोजी खासदार तथा महाराष्ट्राचे माजी मुख्यमंत्री नारायणराव राणे आणि आमदार प्रमोद जठार उपस्थित राहणार आहेत. या दोन्ही प्रमुख नेत्यांच्या हस्ते व उपस्थितीत आज रात्री ८ वाजता देवीची भव्य महाआरती संपन्न होणार आहे.
शारदीय नवरात्रोत्सवाच्या पार्श्वभूमीवर संपूर्ण कणकवली परिसरात सध्या भक्तिमय वातावरण पाहायला मिळत आहे. याच उत्साहाचा भाग म्हणून भाजपच्या वतीने आयोजित या उत्सवात महाआरतीचा विशेष कार्यक्रम आयोजित करण्यात आला आहे. खासदार नारायणराव राणे आणि आमदार प्रमोद जठार यांच्या उपस्थितीत होणाऱ्या या महाआरती सोहळ्यासाठी भारतीय जनता पार्टीचे सर्व पदाधिकारी, नवरात्रोत्सव मंडळाचे कार्यकर्ते तसेच मोठ्या संख्येने देवीभक्त उपस्थित राहणार आहेत.
धार्मिक वातावरणात पार पडणाऱ्या या महाआरती सोहळ्यात सर्व देवीभक्तांनी मोठ्या संख्येने आवर्जून उपस्थित राहावे, असे नम्र आवाहन कणकवली तालुका भारतीय जनता पार्टी नवरात्रोत्सव मंडळाच्या वतीने करण्यात आले आहे.
