राजा दळवी
सिंधुदुर्ग फोंडा घाट
- फोंडा घाटाच्या वळणावर इंधन वाहतूक करणारा टँकर अपघात ग्रस्त होऊन पेटला असून भरलेला टँकर असल्याने आगीने केले रौद्ररूप धारण केले आहे.
-
कोल्हापूर ते सिंधुदुर्ग येणारा भारत पेट्रोलियम कंपनीचा पेट्रोल टँकर आज फोंडाघाटात पलटी होऊन अपघातग्रस्त झाला. सायंकाळी साडे सहा पावणे सातच्या सुमारास ही घटना घडली. अवघड वळणावर चालकाचा ताबा सुटल्याने टँकर पलटी झाला. त्यानंतर टँकरने लगेच पेट घेतला. त्यामुळे सायंकाळी साडे सहा पासून फोंडाघाटातील वाहतूक ठप्प झाली आहे. अग्निशमन बंब मागवून आग आटोक्यात प्रयत्न सुरू असून आगीने रौद्ररूप धारण केले आहे फोंडाघाट येथील पोकळे पेट्रोल पंपावर हा टँकर जात होता असल्याचे समजते. घाटात अपघातस्थळी कणकवली पोलीस पोचले असून आग आटोक्यात आणण्याचे प्रयत्न शर्तीचे प्रयत्न सुरू असून चालक आगी मध्ये दगावण्याची शक्यता व्यक्त केली जात आहे
