राजा दळवी
सावडाव धबधबा
कणकवली तालुका पत्रकार संघ
वृक्ष लागवड!
कणकवली | प्रतिनिधी
”पर्यावरणाचा समतोल राखण्यासाठी वृक्ष लागवड आणि संगोपन काळाची गरज आहे,” असे प्रतिपादन कणकवली तालुका पत्रकार संघाचे अध्यक्ष भगवान लोके यांनी केले. कणकवली तालुका पत्रकार संघाच्या वतीने सामाजिक बांधिलकी जपत यंदाच्या वर्षी सावडाव धबधबा परिसरात मोठ्या उत्साहात वृक्ष लागवड मोहीम राबविण्यात आली.
सामाजिक उपक्रमांची परंपरा कायम
कणकवली तालुका पत्रकार संघ नेहमीच विविध सामाजिक उपक्रमांच्या माध्यमातून अग्रेसर राहिला आहे. गेल्या वर्षी याच भागात पत्रकार संघाने स्वच्छता मोहीम राबवून परिसर स्वच्छ केला होता. यावर्षीच्या पर्तकाळात पर्यावरण संवर्धनाचा संदेश देत सावडाव धबधबा परिसरात वृक्षारोपण करण्याचा महत्त्वपूर्ण निर्णय घेण्यात आला. या उपक्रमाचा अधिकृत शुभारंभ सावडावच्या सरपंच आर्या वारंग यांच्या हस्ते रोपे लावून करण्यात आला.
निसर्ग सौंदर्य अबाधित राखण्याची जबाबदारी
सिंधुदुर्ग जिल्ह्यातील सावडाव धबधबा हे एक प्रमुख व लोकप्रिय पर्यटनस्थळ आहे. या परिसराचे नैसर्गिक सौंदर्य आणि पर्यावरण कायमस्वरूपी अबाधित ठेवणे ही केवळ प्रशासनाची नव्हे, तर प्रत्येक नागरिकाची नैतिक जबाबदारी आहे. वाढते प्रदूषण, अनिर्बंध वृक्षतोड आणि बदलत्या हवामानामुळे संपूर्ण पर्यावरणाचा समतोल ढासळत चालला आहे. या धोक्याची दखल घेत पत्रकार संघाने हा पुढाकार घेतला असून, त्यांच्या या पर्यावरणपूरक भूमिकेचे सर्वत्र कौतुक होत आहे.
या कार्यक्रमास पत्रकार व ग्रामस्थांचा मोठा प्रतिसाद लाभला. यावेळी खालील मान्यवरांची विशेष उपस्थिती होती:
- प्रमुख उपस्थिती: सरपंच आर्या वारंग, उपसरपंच दत्ता काटे.
- पत्रकार संघ पदाधिकारी: अध्यक्ष भगवान लोके, जिल्हा उपाध्यक्ष संतोष राऊळ, सचिव संजय सावंत, खजिनदार रोशन तांबे, जिल्हा कार्यकारिणी सदस्य लक्ष्मीकांत भावे, माजी अध्यक्ष रमेश जोगळे.
- अन्य सदस्य व पत्रकार: अजित सावंत, चंद्रशेखर देसाई, महेश सरनाईक, सुधीर राणे, उमेश बुचडे, दर्शन सावंत, नितीन कदम, विशाल रेवडेकर, तुषार हजारे, तुषार सावंत,राजा दळवी , उत्तम सावंत, भाई चव्हाण, संजय बाणे, मानिक सावंत, उल्का तावडे, राजा दळवी रंजिता तहसिलदार, संजय पेटकर इ.
- वनविभाग अधिकारी व कर्मचारी: वनपाल सारिक फकीर, वनरक्षक अमोल पटेकर, अंकुश माने, स्वाती व्हनवडे, शुभम पाटील आदी.
यावेळी तालुक्यातील अनेक पत्रकार, त्यांच्या कुटुंबातील सदस्य आणि वनविभागाचे कर्मचारी मोठ्या संख्येने उपस्थित होते. पत्रकारितेच्या क्षेत्रासोबतच सामाजिक उत्तरदायित्व पार पाडणाऱ्या कणकवली तालुका पत्रकार संघाच्या या उपक्रमाबद्दल सर्वच स्तरातून अभिनंदन केले जात आहे.
