राजा दळवी
महेश नार्वेकर
स्मृतीदिन
सफाई कामगार
धान्य वाटप
कणकवली (प्रतिनिधी):
प्रत्येकाने आपल्या आरोग्याची काळजी घेतली पाहिजे आणि समाजात घडणाऱ्या घटनांमधून बोध घेऊन पुढे चालले पाहिजे, असे विचार कणकवली नगरपंचायतीचे नगराध्यक्ष संदेश पारकर यांनी व्यक्त केले. कणकवली नगर वाचनालयाच्या सभागृहमध्ये महेश नार्वेकर यांच्या प्रथम स्मृतीदिनानिमित्त नगरपंचायतीच्या सफाई कामगारांना मोफत धान्य भेट वाटपाचा कार्यक्रम आयोजित करण्यात आला होता, त्याप्रसंगी ते बोलत होते.
नगराध्यक्षांचे मनोगत: महेश नार्वेकर यांनी आपल्या प्रकृतीची योग्य काळजी घेतली असती, तर आज स्मृतीदिनाचा कार्यक्रम करण्याची वेळ आली नसती, परंतु नियतीच्या मनात असते ते कोणी पुसू शकत नाही, अशी भावना संदेश पारकर यांनी व्यक्त केली.
मित्रमंडळाची भावना: असा दिलदार मित्र शोधून सापडणे कठीण असून, त्यांच्या जाण्याने सर्वांचे कधीही न भरून येणारे नुकसान झाले आहे. त्यांचा समाजसेवेचा वारसा आपण सर्वांनी चालवण्याचा जो स्तुत्य उपक्रम हाती घेतला आहे, तो वाखाणण्याजोगा असल्याचे त्यांनी सांगितले.
धान्य किट वाटप: महेश नार्वेकर मित्र मंडळाच्या वतीने आयोजित या कार्यक्रमात नगरपंचायतीच्या पन्नास सफाई कामगारांना सहा प्रकारच्या धान्याचे मोफत किट वाटप करण्यात आले.
: यावेळी महेश नार्वेकर मित्र मंडळाचे गौरव गवानकर, रवी बाणे, मिंगेल मतेरो, नवीन बांदिवडेकर, चंदन पाटील, चिंटू नार्वेकर, वैभव मालनकर, नगरसेवक रुपेश नार्वेकर, समीर सावंत, सचिन कुवळेकर, विनोद भंडारी, पंकज पेडणेकर, उमेश वाळके, प्रसाद अंधारी आदींसह अनेक जण महेश प्रेमी उपस्थित होते. या कार्यक्रमाचे सूत्रसंचालन रमेश जोगळे यांनी केले
