राजा दळवी
कणकवली बाजारपेठ मित्रमंडळ
आई भवानी माता
विसर्जन मिरवणूक!
ढोल-ताशांचा गजर आणि फटाक्यांच्या आतषबाजीत भक्तिमय वातावरणात संपन्न सोहळा
कणकवली :
कणकवली बाजारपेठ मित्रमंडळाच्या वतीने नवरात्रोत्सवानिमित्त विराजमान करण्यात आलेल्या आई भवानी मातेची भव्य मिरवणूक अत्यंत उत्साहात आणि भक्तिमय वातावरणात पार पडली. ढोल-ताशांचा निनाद, फटाक्यांची जोरदार आतषबाजी आणि ‘आई भवानी मातेचा जयघोष’ यामुळे संपूर्ण बाजारपेठ परिसर दुमदुमून गेला होता.
नवरात्रोत्सवाच्या निमित्ताने कणकवली बाजारपेठेत आधीपासूनच उत्सवाचे आणि आनंदाचे वातावरण पाहायला मिळत होते. यातच आई भवानी मातेच्या मिरवणुकीने या उत्साहाला अधिकच उधाण आणले. या भव्य मिरवणुकीत परिसरातील भाविकांनी व तरुणांनी मोठ्या संख्येने आणि अत्यंत उत्साहाने सहभाग घेतला. ढोल-ताशांच्या तालावर ठेका धरत आणि जयघोष करत निघालेल्या या मिरवणुकीने उपस्थितांचे मन जिंकले. आई भवानी मातेच्या दर्शनासाठी मार्गावर नागरिकांनी मोठी गर्दी केली होती.
मान्यवरांची विशेष उपस्थिती
या सोहळ्यात कणकवलीतील अनेक मान्यवर आणि कार्यकर्ते मोठ्या संख्येने उपस्थित होते. यात प्रामुख्याने कणकवली चे नगराध्यक्ष संदेश पारकर, नगरसेवक रूपेश नार्वेकर, लुकेश कांबळे, नगरसेविका समिधा अंधारे, जाई मूरकर, दीपिका जाधव यांच्यासह कन्हैया पारकर, दीपक बेलवलकर, सौरभ पारकर, आबा वाळके, परेश बागवे, अमित मयेकर, महेश कुडाळकर, स्वरूप सापळे, हरिभाऊ भिसे, आदित्य सापळे, साई कोदे, समृद्धी पारकर, रिया नार्वेकर, सौ. म्हापसेकर, स्वप्नाली जाधव, आशिष कारेकर, राजू वाळके, वैभव मालडकर, निकित मूरकर, तन्मय नार्वेकर, चेतन मुंज, केतन अंधारी, दादा केणी, प्रसाद,अंधारी कौशिक पारकर, , विशाल कसालकर, तुषार कोदे, अमित सापळे, विकास कारेकर, अरुण महाडिकओंकार पारकर सोहमवळके,, सौ. पारकर ,आदी मान्यवर उपस्थित राहून आई भवानी मातेच्या मिरवणुकीत सहभागी झाले होते.
कणकवली बाजारपेठ मित्रमंडळाच्या वतीने आयोजित करण्यात आलेल्या या यशस्वी आयोजनातून नवरात्रोत्सवाचा अमंगळ उत्साह आणि आई भवानी मातेप्रती असलेली अगाध भक्ती दिसून आली. ढोल-ताशांच्या गजरात आणि मंगलमय वातावरणात पार पडलेल्या या सोहळ्याची सध्या कणकवली परिसरात जोरदार चर्चा सुरू आहे.
