राजा दळवी
वर्दे
दामिनी पालव कुटुंबिय
माजी आमदार वैभव नाईक
सांत्वन;
हत्येच्या घटनेने कुडाळ तालुक्यात संताप व शोककळा
कुडाळ :
कुडाळ तालुक्यातील वर्दे गावातील महाविद्यालयीन युवती दामिनी किरण पालव हिच्यावर धारदार शस्त्राने वार करून झालेल्या निर्घृण खुनामुळे संपूर्ण कोकण हादरला आहे. या अनावृत्त आणि मानवी मनाला सुन्न करणाऱ्या घटनेमुळे पालव कुटुंबावर दुःखाचा डोंगर कोसळला असून, संपूर्ण वर्दे गावात शोककळा पसरली आहे. रविवारी अत्यंत दुःखी अंतःकरणाने दामिनीवर अंत्यसंस्कार करण्यात आले.
या दुर्दैवी प्रसंगी कुडाळ-मालवणचे माजी आमदार वैभव नाईक यांनी दामिनीच्या अंत्ययात्रेत प्रत्यक्ष सहभाग घेत तिच्या पार्थिवाचे अंत्यदर्शन घेतले. तसेच, पालव कुटुंबीयांच्या घरी जाऊन त्यांची भेट घेतली आणि त्यांचे सांत्वन करत या बिकट प्रसंगी कुटुंबियांना धीर देण्याचा प्रयत्न केला.
यावेळी त्यांच्या समवेत शिवसेनेचे नेते पप्पू पालव, संदीप सावंत यांच्यासह वर्दे गावातील ग्रामस्थ मोठ्या संख्येने उपस्थित होते. या अमानुष घटनेबद्दल नागरिकांमधून तीव्र संताप व्यक्त होत असून, दोषींवर कठोर कारवाईची मागणी जोर धरत आहे.
