राजा दळवी
कुडाळ.. प्रतिनिधी
१७ नोव्हेंबरला आमदार वैभव नाईक यांच्या प्रचारार्थ कुडाळ माणगाव बाजारपेठ येथे आदित्य ठाकरे यांची जाहीर सभा होत असून शिवसेना आघाडीतील सर्वांनी उपस्थित रहावे
शिवसेना उद्धव बाळासाहेब ठाकरे पक्ष आणि महाविकास आघाडीचे अधिकृत, लोकप्रिय आणि निष्ठावंत उमेदवार वैभव विजय नाईक यांच्या प्रचारार्थ शिवसेना नेते, युवासेनाप्रमुख आदित्यजी ठाकरे हे रविवार दिनांक १७ नोव्हेंबर २०२४ रोजी सिंधुदुर्ग दौऱ्यावर येत आहेत. सायंकाळी ठीक ६ वाजता कुडाळ तालुक्यातील माणगाव बाजारपेठ येथे त्यांची जाहीर प्रचार सभा होणार आहे. तरी या सभेसाठी महाविकास आघाडीचे सर्व पदाधिकारी, कार्यकर्ते व नागरिकांनी मोठ्या संख्येने उपस्थित रहावे असे आवाहन शिवसेना जिल्हाप्रमुख संजय पडते यांनी केले आहे.
