राजा दळवी
कणकवली तालुका
‘आत्मा’ समिती अध्यक्ष आनंद उर्फ बंडू ठाकूर
निवड!
कणकवली : (प्रतिनिधी)
कणकवली तालुकास्तरीय शेतकरी सल्ला ‘आत्मा’ (ATMA) समितीच्या अध्यक्षपदी हरकुळ बुद्रुक गावचे सरपंच आनंद उर्फ बंडू ठाकूर यांची एकमुखाने निवड करण्यात आली आहे. कणकवली तालुका कृषी अधिकारी कार्यालयात पार पडलेल्या बैठकीत ही महत्त्वाची निवड घोषित करण्यात आली.
यावेळी बोलताना नूतन अध्यक्ष आनंद ठाकूर यांनी, “खासदार नारायण राणे आणि पालकमंत्री नितेश राणे यांनी माझ्यावर जी जबाबदारी सोपवली आहे, मी तिचा पूर्ण सन्मान राखून शेतकऱ्यांच्या हितासाठी कटिबद्ध राहीन,” अशी प्रतिक्रिया दिली. तसेच, शेतकऱ्यांसाठी उपयुक्त योजना, नवनवीन कृषी तंत्रज्ञानाचा वापर आणि योग्य प्रशिक्षणांच्या माध्यमातून बळीराजाचे उत्पन्न वाढवण्यासाठी प्रामाणिक प्रयत्न करणार असल्याचे त्यांनी सांगितले.
महत्त्वाच्या योजनांवर भर
गेली ४० वर्षे शेती आणि बागायती क्षेत्रात कार्यरत असल्याचा अनुभव सांगत, आनंद ठाकूर म्हणाले की, ‘आत्मा’ समितीच्या माध्यमातून तालुक्यातील शेतकऱ्यांना शेतीविषयक मार्गदर्शन, प्रशिक्षण शिबिरे आणि शेतकरी अभ्यास दौरे आयोजित केले जातील. शेतकरी हिताच्या दृष्टीने नाविन्यपूर्ण उपक्रम राबवण्यावर आपला विशेष भर असेल.
मान्यवरांची प्रमुख उपस्थिती
कणकवली तालुका कृषी अधिकारी कार्यालयात झालेल्या या पहिल्या सभेला खालील मान्यवर उपस्थित होते:
पदसिद्ध सदस्य: कणकवली पंचायत समितीच्या सभापती हर्षदा वाळके, जि.प. समाजकल्याण सभापती रूहिता तांबे, माजी जि.प. अध्यक्ष व जि.प. सदस्य संदेश सावंत, जि.प. सदस्य मनोज रावराणे, सुप्रिया मेस्त्री, राजन चिके, संतोष पारकर, प्राची इस्वलकर, शितल दळवी आदी.
समिती सदस्य: महेंद्र राघेरी, आनंद ठाकूर (हरकुळ बुद्रुक) अध्यक्ष, लक्ष्मण घाडीगावकर (वागदे), दत्तकुमार सामंत (फोंडाघाट), ज्योती देसाई (नांदगाव), सूर्यकांत परूळेकर (ओटव), पुंडलिक सावंत (बिडवाडी), सुरेश गावकर (दारिस्ते), सागर साटम (डामरे), संजय रावले (हरकुळ खुर्द), भाग्यलक्ष्मी साटम (आयनल), राजेंद्र राणे (घोणसरी), सत्यवान चोरगे (कासार्डे), मोहन भोगले (तळेरे), स्नेहलता सावंत (वरवडे), संजय सावंत (सांगवे) आदी सदस्य उपस्थित होते.
याशिवाय कणकवली तालुका कृषी अधिकारी प्रवीण ओहोळ आणि तालुका तंत्रज्ञान व्यवस्थापक राकेश हुले हे अधिकारी वर्गही यावेळी प्रामुख्याने उपस्थित होता.
