राजा दळवी
वामनराव महाडिक विद्यालय
वर्गखोल्यांचे नूतनीकरण;
शनिवारी होणार उद्घाटन
तळेरे:
तळेरे पंचक्रोशी शिक्षण प्रसारक मंडळ, मुंबई संचलित ‘वामनराव महाडिक माध्यमिक विद्यालय व कनिष्ठ कला, वाणिज्य व विज्ञान महाविद्यालय, तळेरे’ येथील काही वर्गखोल्यांचे नूतनीकरण लोकसहभागातून यशस्वीरीत्या पूर्ण झाले आहे. या उपक्रमाबद्दल कृतज्ञता व्यक्त करण्यासाठी आणि नूतनीकरण केलेल्या वर्गखोल्यांच्या उद्घाटनासाठी एका विशेष कार्यक्रमाचे आयोजन करण्यात आले आहे.
कार्यक्रमाची माहिती:
दिनांक: शनिवार, १८ जुलै २०२६
वेळ: सकाळी १०:०० वाजता
स्थळ: डॉ. श्री. एम. डी. देसाई सांस्कृतिक भवन, वामनराव महाडिक माध्यमिक विद्यालय, तळेरे
शाळेतील माजी विद्यार्थी, हितचिंतक आणि दानशूर व्यक्तींच्या मोलाच्या सहकार्यामुळे व योगदानामुळे हे कार्य पूर्णत्वास आले आहे. या उपक्रमासाठी योगदान देणाऱ्या सर्व दात्यांप्रती विद्यालय आणि संस्थेने मनःपूर्वक कृतज्ञता व्यक्त केली आहे.
या उद्घाटन समारंभाला उपस्थित राहण्याचे आवाहन प्राचार्य श्री. अविनाश मांजरेकर, शाळा समितीचे अध्यक्ष श्री. अरविंद महाडिक, चिटणीस व मुख्य कार्यकारी अधिकारी श्री. श्रीकृष्ण खटावकर आणि विद्यालय व्यवस्थापन समितीच्या वतीने करण्यात आले आहे.
