राजा दळवी
सिंधुदुर्ग नगरी प्रतिनिधी
पालकमंत्री मा.श्री. नितेश राणे साहेब यांच्या विशेष प्रयत्नांतून सिंधुदुर्ग जिल्ह्यात भारतातील पहिले अंडरवॉटर म्युझियम साकार होत असून, भारतीय नौदलाची सेवामुक्त INS GULDAR युद्धनौका निवती समुद्रतळाशी यशस्वीरित्या स्थापित करण्यात आली आहे.
या महत्त्वाकांक्षी प्रकल्पामुळे सिंधुदुर्गच्या पर्यटन क्षेत्राला मोठी चालना मिळणार असून जिल्ह्याच्या अर्थव्यवस्थेलाही मोठा हातभार लागणार आहे. यासोबतच स्थानिक युवकांसाठी रोजगाराच्या नव्या संधी निर्माण होऊन पर्यटनाशी संबंधित विविध व्यवसायांना देखील गती मिळणार आहे. सागरी पर्यटन क्षेत्रात सिंधुदुर्गला राष्ट्रीय आणि आंतरराष्ट्रीय स्तरावर नवी ओळख मिळवून देणारा हा महत्त्वाचा टप्पा ठरणार आहे.
