राजा दळवी
कणकवली प्रतिनिधी
कणकवली विधानसभा मतदारसंघाचे आमदार नितेश राणे यांना मंत्रिपद जाहीर झाले. यानंतर आमदार नितेश राणे केव्हा मंत्री पदाची शपथ घेणार यांची उत्ससूकता लागून राहिली होती. अखेर आज आ. नितेश राणे यांनी मंत्रिपदाची शपथ घेतली. याच पार्श्वभूमीवर कणकवली शहरात शपथविधी पाहण्यासाठी थेट लाईव्ह स्क्रिन लावण्यात आली होती
.दरम्यान आ. नितेश राणे यांनी शपथ घेताच कार्यकर्त्यांनी जोरदार घोषणाबाजी व फटाके लावून जल्लोष साजरा केला. यावेळी हमारा नेता कैसा हो … नितेश राणे जैसा हो, नितेश राणे तुम आगे बढो हम तुम्हारे साथ है घोषणा देण्यात आल्या. दरम्यान यावेळी कार्यकर्त्यांनी एकमेकांना लाडू भरवून आनंदोत्सव साजरा केला.
सरकारमध्ये कणकवली विधानसभा मतदारसंघाचे आमदार नितेश राणे यांनी पहिल्यांदाच मंत्री पदाची ३० व्या क्रमांकावर शपथ घेतली. यामुळे कणकवली मतदारसंघात उत्साहाचे वातावरण निर्माण झाले. प्रखर हिंदुत्व मानून संघर्ष करणारे हिंदुत्ववादी नेते अशी ओळख मुख्यमंत्री देवेंद्र फडणवीस यांनी करून दिल्यानतंर त्यांची थेट कॅबिनेट मंत्री पदी निवड झाल्याने कणकवली मतदारसंघाला पहिल्यांदाच मंत्री पद मिळाले आहे. सिंधुदुर्ग जिल्ह्यातून एकमेव नितेश राणे यांनी मंत्रीपदाची शपथ घेतल्याने त्याचीच जिल्ह्याच्या पालकमंत्री पदी वर्णी लागणार हे जवळपास निश्चित आहे ?
