राजा दळवी
कणकवली प्रतिनिधी ( 14 नोव्हेंबर 2024)
कणकवलीच्या माजी नगराध्यक्षा आणि समाजसेवक संजय मालकर यांच्या पत्नी कणकवली येथील रहिवासी सायली संजय मालंडकर (वय ५२) यांचे गुरुवारी 14 नोव्हेंबर 2024 सायंकाळी गोव्यातील बांबुळी येथील रुग्णालयात उपचारादरम्यान निधन झाले.
गेली काही दिवस सायली या आजारी होत्या. त्यांच्यावर कणकवली येथे उपचार करून पुढील उपचारासाठी बांबुळी येथे हलविण्यात आले होते.
कणकवलीच्या महिला नगराध्यक्ष म्हणून यशस्वी कारकीर्द पूर्ण केली. कणकवली शहरातील सामाजिक व राजकीय तसेच सांस्कृतिक क्षेत्रात देखील त्यांचा मोठा सहभाग होता.
कणकवली नगरपंचायतीमध्ये नगराध्यक्ष असताना त्यांनी अनेक प्रश्न मार्गी लावले. सोबतच कणकवली शहरातील मंडळातील महिलांच्या विविध ग्रुपमध्ये अॅक्टिव्ह असणाऱ्या त्या महिला होत्या. त्यांच्या निधनाने सर्वत्र हळहळ व्यक्त केली जात आहे.
कणकवली शहरातील सामाजिक कार्यकर्ते , राजकीय शैक्षणिक क्षेत्रात अग्रेसर असलेले , सिनेसृष्टीतील कलाकार , सध्या रिक्षा व्यवसायिक संजय मालंडकर यांच्या त्या पत्नी होत.
त्यांच्यावर उद्या सकाळी दहा वाजता कणकवली स्मशानभूमीत अंत्यसंस्कार करण्यात येणार आहेत. त्यांच्या पश्चात पती, मुलगा, दिर, जाव, पुतणे, पुतणी असा मोठा परिवार आहे.
