राजा दळवी
ॲट्रॉसिटी कायदा
गैरवापर समाजाला घातक; खोटा गुन्हा
‘प्रतिमोर्चा’
संदीप कदम
कणकवली:
मुणगे (ता. देवगड) येथील औष्णिक ऊर्जा प्रकल्पाच्या वादातून दाखल करण्यात आलेला ‘ॲट्रॉसिटी’चा गुन्हा खोटा असून, राजकीय हेतूने समाजाची बदनामी करण्याचा हा प्रयत्न आहे. जर देवगडमध्ये मोर्चा काढला, तर त्याला चोख प्रत्युत्तर म्हणून आम्ही ‘प्रतिमोर्चा’ काढू, असा इशारा बुद्धिस्ट फेडरेशनचे कार्याध्यक्ष संदीप कदम यांनी दिला. कणकवली येथे आयोजित संयुक्त पत्रकार परिषदेत विविध संघटनांच्या पदाधिकाऱ्यांनी या प्रकरणातील गैरवापर आणि राजकीय षडयंत्रावर जोरदार टीका केली.
नेमके प्रकरण काय?
मुणगे गावात प्रस्तावित औष्णिक ऊर्जा प्रकल्पाला ग्रामस्थांचा एकमुखी विरोध आहे. प्रकल्पाच्या समर्थनार्थ रात्रीच्या वेळी निनावी बॅनर लावण्यावरून झालेल्या वादात धक्काबुक्की झाली होती. या घटनेनंतर संबंधित व्यक्तीवर ॲट्रॉसिटीचा गुन्हा दाखल करण्यात आला. मात्र, या कारवाईवर प्रश्नचिन्ह उपस्थित करत संदीप कदम म्हणाले की, “ज्या व्यक्तीला मारहाण झाली, तो पत्रकार परिषदेत ठणठणीत उभा होता, तर मारहाण झाली कशी? तसेच, घटनेच्या वेळी उपस्थित नसलेल्या लोकांचीही नावे गुन्ह्यात समाविष्ट करण्यात आली आहेत. हा केवळ राजकीय द्वेषातून केलेला प्रकार आहे.”
भाजपवर गंभीर आरोप
या घटनेमागे भाजपचा अजेंडा असल्याचे सांगत संदीप कदम यांनी अंकुश जाधव यांच्यावर निशाणा साधला. “स्विकृत जिल्हा परिषद सदस्यपद मिळवण्यासाठी अंकुश जाधव हे या प्रकरणाचा वापर करून समाजात संभ्रम निर्माण करत आहेत. डॉ. बाबासाहेब आंबेडकरांचा अवमान करण्याचा प्रयत्न कोणीही खपवून घेणार नाही,” असेही त्यांनी स्पष्ट केले.
चर्मकार समाज उन्नती मंडळाचा आक्षेप
सिंधुदुर्ग जिल्हा चर्मकार समाज उन्नती मंडळाचे जिल्हाध्यक्ष सुजित जाधव म्हणाले, “आमच्या संघटनेचे नाव विनापरवानगी वापरून गैरसमज पसरवला जात आहे. कोणत्याही घटनेत मारहाण झाली असेल तर कायदेशीर कारवाई व्हायला आमचा विरोध नाही, परंतु पुरेशा पुराव्याशिवाय ॲट्रॉसिटीसारख्या गंभीर कायद्याचा वापर करणे चुकीचे आहे. भविष्यात अशाप्रकारे संघटनेचे नाव वापरल्यास कायदेशीर कारवाई करण्यात येईल.”
सामाजिक सलोखा जपण्याचे आवाहन
