राजा दळवी
कणकवली तालुका पत्रकार संघ
पत्रकार पाल्यांच्या ‘गुणगौरव’
कणकवली |
कणकवली तालुका पत्रकार संघाच्या वतीने दरवर्षीप्रमाणे यावर्षीही पत्रकार पाल्यांचा शैक्षणिक क्षेत्रातील यशाबद्दल ‘गुणगौरव’ सोहळा आयोजित करण्यात आला आहे. उद्या, ४ जुलै रोजी दुपारी ३ वाजता पंचायत समिती कणकवली येथील सभागृहात हा विशेष कार्यक्रम पार पडणार आहे.
या सोहळ्यासाठी प्रमुख पाहुणे म्हणून कणकवली पंचायत समितीचे गटविकास अधिकारी अरुण चव्हाण उपस्थित राहणार आहेत. तसेच, पत्रकार संघाचे जिल्हाध्यक्ष उमेश तोरस्कर आणि परिषद प्रतिनिधी गणेश जेठे हे देखील या कार्यक्रमास विशेष उपस्थिती लावणार आहेत.
कार्यक्रमाची वैशिष्ट्ये:
या सोहळ्यात तालुक्यातील पत्रकार पालकांच्या गुणवंत पाल्यांना मान्यवरांच्या हस्ते प्रमाणपत्र आणि भेटवस्तू देऊन गौरविण्यात येणार आहे. त्यांच्या शैक्षणिक यशाचे कौतुक करून त्यांना पुढील वाटचालीस प्रोत्साहन देणे हा या कार्यक्रमाचा मुख्य उद्देश आहे.
या महत्त्वपूर्ण कार्यक्रमाला सर्व पत्रकार संघ सभासदांनी आपल्या गुणवंत पाल्यांसह उपस्थित राहावे, असे आवाहन पत्रकार संघाचे अध्यक्ष भगवान लोके, सचिव संजय सावंत आणि खजिनदार रोशन तांबे यांनी केले आहे.
